Тĕмшерти пĕтĕмĕшле пĕлÿ паракан  тĕп шкулта  ака уйǎхĕн 25-мĕшĕнче «Чǎваш чĕлхи кÿнĕ» уяв иртрĕ. УяваЧǎваш республикин гимнĕ янрǎнипе пуçланчĕ. 9-мĕш класра вĕренекен Максимова Таньǎпа Саперова Лена уява ертсе пычĕç. « Алран кайми аки-сухи» чǎваш халǎх юррин  историйĕ çинчен 8 мĕш класра вĕренекен Саулина Александра  ǎнланмалла каласа пачĕ.  Ачасем савǎнǎçлǎ юрǎсем юрласа, сǎвасем каласа савǎнчĕç. Улттǎмĕш класс ачисем Петр Львов çырнǎ   « Пилĕк пÿрне – пĕр тǎван» юмаха сцена çинче выляса пачĕç. Юлашкинчен пурте пĕрле тǎрса « Ай, сывǎ пултǎр чǎваш чĕлхи» юрра шǎрантарчĕç. Уяв пурне те килĕшрĕ.